Beşek ji ji dîroka Tîso têkelî dîroka gelê Kurdistanê bûye

Li bajarê Hewlêrê, roja 30.08.2012ê, bi amadebûna Hesen Sore cîgirê serokê parlamnetoyê, Fuad Hisên serokê dîwana serokatiya herêma Kurdistanê, Felah Mistefa berpirsê fermangeha têkeliyên derve, Newzad Hadî waliyê Hewlêrê, hijmareke konsul û diplomatkarên biyanî yê li herêma Kurdistanê û hijmareke parlamenter û berpirsên hikûmetê, di merasimeke bijarte de Fredrik Tîso konsulê Fransayê yê herêma Kurdistanê xatira xwe ji Kurdistanê xwest.

Merasima birêkirina Tîso, bi pêşangeheke fotografî ku, tebîr ji xebat, kar, hekwest û rola wî a 30 salan di nav xebata gelê kurd de weke dostekî nêzîk, xemxorê doza rewaya gelê kurd û diplomasekî biyanî li herêma Kurdistanê, dest pê kir.

Her bi vê minasebetê, minasebeta bidawîhatina wezîfeya Fredrik Tîso weke konsulê Fransayê li herêma Kurdistanê, cîgirê serokê parlamentoya Kurdistanê peyvek pêşkeş kir û wî di peyva xwe de xebata 30 sala a Tîso weke çalakvanekî mirovdost di xizmeta gelên bindest de bilind nirxand.

Di merasimê de, gotara serokê Kurdistanê û serokê hikûmeta herêma kurdistanê ji aliyê Felah Mistefa ve hat xwandin. Mistefa di peyva xwe de bi navê serokê Kurdistanê û serokê hikûmetê sipasiya Fredrik Tîso kir û got:

– Di van pênc salên karkirna wî li herêma Kurdistanê, jibilî weke diplomasekî, ew karî dirêjiyê bi xebata û tekoşîna xwe di çarçoveya xizmetkirina gel û civkê bide. Fredrik Tîso di salên heştiyan de weke diktorekî xemxorê gelê kurd bûye û xizmeta xelkê Kurdistanê kiriye û beşdarî di azar û rojên dijwarên gelê me de kiriye. Beşek ji ji dîroka birêz Tîso têkelî dîroka gelê Kurdistanê bûye. Rol û helwestên kesên mirovdost yên weke birêz Tîso û xatûn Daniella Mitterrand li hember gelê kurd wê rastiyê derdixe ku, xebat, tekoşîn û daxwazên gelê Kurdistanê yên ji bona bidestveanîna mafên xwe, daxwazên adil û heq in. Îro herêma Kurdistanê di qonaxeke pêşkeftî de ye û xwedî statuyekî demokratîk û serkeftiye ku, hemû dostên me şanaziyê pê dikin.

Li dawiya merasimê Fredrik Tîso di peyvekê de sipasiya serokatiya herêma Kurdistanê û serokatiya hikûmeta Kurdistanê kir û got ku, ew gelek kêfxweşe ku, ji bilî weke diktorekî, ew delîve çê bû ku weke diplomasekî jî li herêma Kurdistanê kar bike û ew dê her weke dostekî nêzîkî gelê kurd bimîne û xemxorê gel û miletên mafxar û bindest be.

Nerîna min :