Cîhan

Bernameyê bicîhanênasandina jenosîda gelê kurd hat pesind kirin

Bi serpereştiya Fuad Husên serokê dîwana serokayetiya herêma Kurdistanê, doh sêşemiyê 12.04.2011 li dîwana serokayetiya herêma Kurdistanê, borda şêwirmendiya bicîhanênasandina jenosayda gelê kurd pêncemîn civîna xwe encamda.

Di kombunê da projeya amadekirîya borda şêwirmendiya konferansa bicîhanênasandina jenosayda gelê kurd bi hurî hate guftûgokirin ku biryare li meha hezîrana îsal li parlamentoya welatê Norvêjê bête encam dan û bernameya pêşniyarkirî jî ji bo çawayiya birêveçûna konferansê jî hate pejirandin.

Di vê civînê de Kawe Mehmûd wezîrê karubarê şehîdan û enfalkiriyan bi wekalet û wezîrê rewşenbîrî, Reûf Reşîd wezîrê Dad, Felah Mistefa berpirsê fermangeha pêwendiyên derve yê hikûmeta herêma Kurdistanê, Sebah Beytulla, Goran Azad û Viyan Ebdulrehîm endamên parlamentoya Kurdistanê, Se’ed Xalid rêkxerê pêwendî û koordînatorê parlamento û hikûmeta Kurdistanê, Xazî Dizeyî birêvebirê giştî yê hemahengî û dûvdaçûnê li dîwana serokayetiya herêma Kurdistanê, Lence Dizeyî şêwirmenda wezareta karubarê şehîdan, Newzad Xoşnaw şêwirmendê wezareta rewşenbîrî û Kamîran Goran ji fermangeha pêwendiyên derve yê hikûmeta herêma Kurdistanê amade bûn.

Back to top button