Wezareta derve ya Behrênê êrişa DAIŞê li dijî xelkê sivîl û hêzên Pêşmerge şermezar kir.
Wezareta derve ya Behrênê li ser êrişa DAIŞê ya pêr bi şev li dijî xelkê sivîl û hêzên Pêşmerge li devera Mexmûr ya Herêma Kurdistanê peyamek belav kir.
Di peyamê de ew êriş bi tundî hatiye şermezarkirin û wek “êrişeka terorîstî ya tirsonek” hatiye bi navkirin.
Wezareta derve ya Behrênê her wiha sersaxî ji malbatên şehîdan re û şîfa jî ji birîndaran re xwastiye û ragehandiye, ewê bo rûbirûbûna terorê û parastina ewlehî û aramiyê bixebitin.
Wezaretên derve yên Urdin û Qeterê jî ew êriş şermezar kiribûn û têkestî li ser pêwîstiya nehîştina terorê kiribûn.
Pêr bi şev terorîstên DAIŞê êrişî gundên Mexmûrê kirin, di wê êrişê de 10 pêşmerge û 3 sivîl şehîd bûn û 5 kes jî birîndar bûn.
