Barzanî: Çapemenî ji sansor û çavdêriyê dûre

Îro çarşem 02.04.2014 birêz Mesûd Barzanî Serokê Herêma Kurdistanê nehemîn pêşangeha salaneya navdewletiya pertûkan li bajarê Hewlêrê vekir. 

Ev pêşangeh li jêr çavdêriya Serok Barzanî û bi beşdariya 250 navendên çap û rewşenbîrî, cîhanî, Erebî, navçeyî, Iraqî û Kurdistanî û her wiha amadebûna hejmareke zêdeyê kesayetiyên siyasî û rewşenbîrî û konsol û xelkên biyanî hate vekirin û heta 10 rojan berdewam dibe.

Li rêwresma vekirina pêşangehê Serok Barzanî gotarek bi zimanê Erebî ji bo mîhvanan û amadebûyan pêşkêş kir. Serok Barzanî li gotara xwe de ji bilî bi xêrhatina mîhvanan destxweşiyê li birêveber û amadekarên pêşangehê kir û ragihand ev pêşangeh û amadebûna vê hejmara zêdeyê rewşenbîran hêza bawerî û hêviyeke zêdetir bi me dibexşê. Xweşhaliya xwe jî nîşanda ku pêşangeh li gor salên berê pêşketîtir û rêkxistîtire. 

Serok Barzanî li dirêjahiya axaftina xwe de balkişand li ser wê yekê ku rewşenbîrî bingeha binyatnana jiyane û ew gelê çekê çandî li dest de heye dikarê paşaroja xwe ava bike û xweşdiviya xelkê Kurdistanê jî ji bo pertûk û pêşwaziya xelkê Kurdistanê jî li vê pêşangehê bi belgeyek zanî ji bo rêzgirtina wan ya li rewşenbîr û çand û qelem. Serok Barzanî eve jî xisterû ku cihê şanaziyê ye ku azadî taybetî li cem hemû xelkê parastiye û belge jî eweye ku li vê pêşangehê da azadiyekî tevahî heye li çapemeniyê û dûre li çavdêrî û sansorê. Serok Barzanî hewlên navenda El Meda û Fexrî Kerîmî li amadesazî û peywendiya li gel kesayetî û navendên çandî yên ji bo rêkxistina vê pêşangehê bi bilind nirxand.

Nerîna min :