Artêşa Tirkiye li gundekî Amediyê gule li xelkê barandin

Artêşa Tirkiyê li gundê Kêste yê navçeya Amêdî ya parêzgeha Dihokê gule li gundiyan rbarandin. Li gorî muxtarê gund dayî xûyakirin, 2 jin birîndar bûne û ew rakirine nexweşxaneyê.

Muxtarê gundê Kêsteyî Omîd Kêsteyî ji Rûdawê re ragihand “2 jin bi guleyên doçkayê yên hêzên Tirk ve hatin birîndarkirin û ew rakirin nexweşxaneyê.

Li gorî muxtarê gund, gulebaran demjimêr 17:30’ê danê êvarê li bilindahiyên gund ji xaleke serbazî ya artêşa Tirkiyê ve hatiye kirin û di dencamê de 2 jin ku yek ji wan diya 3 zarokan e birîndar bûne û birîndaran rakirine nexweşxaneyê.

Muxtarê gund da zanîn ku heta niha nizanin rewşa birîndaran çewaye, lê yek ji wan ji serê xwe birîndar bûye û li Nexweşxaneya Batîfa tê dermankirin.

Beriya mehekê jî topeke din a artêşa Tirkiyê li nêzîkî gund ketibû û di encamê de kesek bi sivikî birîndar bû. Herwiha çend roj berê jî di encama topbarana artêşa Tirkiyê li ser gundê Belaxe yê navçeya Amêdiyê 2 welatî birîndar bibûn.

Bersiv :

Nêrîna te
Nav: