Serok Nêçîrvan Barzanî li gel du grûpên parlamenterên Almanyayê civiya

Serokê Herêma Kurdistanê Nêçîrvan Barzanî îro piştî nîvro li bajarê Munchenê yê Almanyayê li gel komek parlamenterên partiyê yên SPD û komeke din ji CDU û CSU civiya.

Parlamenteran nêrîna xwe derbarê çawaniya pêşxistina peywendiyên navbera Almanya û Iraqê bi taybetî Herêma Kurdistanê û paşeroja hevkariyên navbera wan di warên cuda de anîn ziman û spasiya rola Herêma Kurdistanê di şerê li dijî terorê de û alîkariya civakan bi taybet êzdiyan kirin.

Ji aliyê xwe ve Serok Barzanî spasiya parlamento, hikûmet û gelê Almanyayê kir ku piştevaniya Herêma Kurdistanê kirine û bi taybetî jî amaje bi alîkariyên Almanya bo Êzdiyan kir. Rewşa civakên Herêma Kurdistanê mijareke dinê hevdîtinê bû.