Barzanî
Yanî sûc ne tenê li dijî mirovan, li dijî xweza, jîngeh, dar, zinar û çemên Barzan jî hatiye kirin! Lê piştî çil salan êdî çarenivîsa Iraq û Kurdistanê di destê Barzanîyan de ye
Hevdeng Faruq
Em 40 saliya Enfala Barzanîyan di demekê de bi bîr tînin ku, Herêma Kurdistanê di qonaxeke hestiyar û diyarker de ye.
Parastin, seqamgîrkirin û bihêzkirina pêkhateya Herêma Kurdistanê stratejî û armanca girîng e ku, Barzanî û hemû dilsozên niştiman hewl dane ku bigihêjin û li ser kar dikin.
Di 40 saliya zulma dîrokî ya Barzaniyên şehîd de, Barzaniyên zîndî ji her demê bêhtir bi baldarî hizir dikin da ku Herêma Kurdistanê ji her demê bi rûmettir li ser lingên xwe bisekine. Dersek ku divê em li ser helwesteke rasteqîn werbigirin ew e ku dema rejîma Iraqê berî çil salan Komkujiya Barzaniya kir, armanca wê ya sereke ew bû ku ne tenê ji nexşeya siyasî ya Kurdistanê derxîne, lê belê wek mirov jî jinavbirina wan bû. Siyaseta axa şewitandî meşand; Yanî sûc ne tenê li dijî mirovan, li dijî xweza, jîngeh, dar, zinar û çemên Barzan jî hatiye kirin! Lê piştî çil salan êdî çarenivîsa Iraq û Kurdistanê di destê Barzanîyan de ye, mayîndebûna Iraqê û çarenivîsa proseya siyasî ya Iraqê girêdayî îrade û biryara Barzanîyan e.
Ji ber vê yekê em dikarin bi teqez ji dîrokê re bêjin: Rejîma Beis negihîşt armanca xwe û nekarî Barzanîyan têk bibe û îradeya wan bişkîne, lê vê carê xwîn û îradeya Kurdan li ser şûrê şovenîzma Erebî bi ser ket.
Pirseke ku divê em paşguh nekin ev e: Çima heta niha jî rewşenbîr, nivîskar û siyasetmedarên iraqî nehatin ku berpirsên têkçûna xwe ji desthilatdarên Iraqê bipirsin û negotin: We çiqas hêz, şiyan û dewlemendiya Iraqê xera kir ku hûn wêran bikin. Barzanî?!
Kî bû berpirsê têkçûna dîrokî û siyasî ya hikûmeta Iraqê?! Kî, kengê û çawa dê tazmînata mexdûran bê dayîn? Kî berpirsê van tawanên hovane yên nemirovane ye?!
Ma gelo piştî wan xwînrijandin, şer û wêranî, siyasetmedarên ereb ên îraqê hîna vê rastiyê fêm nekirine ku Barzaniyan bi kûrahî di dilê Kurdistanê de ne û ne mimkûn e ku wan têk bibe?! Ne dema wê ye ku ew fêm bikin ku şerê bi kevirên Barzan re wê nikaribe bibe sedema têkçûn û wêrankirina Barzanî.
