Parlementoya Kurdistanê xelatek da serokê hevkariyê
PARLEMENTOYA KURDISTANÊ XELATEK DA SEROKÊ HEVKARIYÊ
Roja 21/ 12/ 2012, li Stockholma paytext a Swêdê cîgirê serokê Parlamena Kurdistanê Dr. Hesen Muhemed Sora, xelatek li ser navê Parlamana Kurdîstanê da serokê Hevkariyê Şêfîk Kaya.
Xelata Parlamena Kurdistanê, bi kombûneke taybet, li avahiya Federasyona Komeleyên Kurdistanê li Swêdê û bi beşdariya nûnerê Hikûmeta Herêma Kurdistanê H. Xule, 11 Parlamanên Başûrê Kurdistanê yên ji partiyên cuda cuda, herweha nûnerên 27 partiyên siyasî yên her çar beşên Kurdistanê, Seroka Federasyonê digel endamên Komîteya Rêvebir ên Federasyonê, nûnerên Encumena Nîştîmanî Kurd li Sûriyê û nûnerên Encumena Kurd-Swêd, hate dayîn.
Hêja ye bê gotin ku Şefîk Kaya berpirsê Hevkariya Hêzên Siyasî yên Kurd û Kurdistanî ye ku nûnerayetiya 27 partiyên siyasî yên herçar beşên Kurdistanê dike.
Em jî wek Rojeva Kurd berpirsê HEVKARIYA HÊZÊN SIYASÎ pîroz dikin û serkeftin jê re dixwazin.
Rojeva Kurd/Stockholm
