Bila 25ê Îlonê bibe “ Roja Niştimanî ya Gelên Kurdistanê“
Serokê fraksiyona PDKê li Parlamentoya Kurdistanê daxwaz li parlamentoyê dike roja 25ê Îlonê bibe “ Roja Niştimanî ya Gelên Kurdistanê“
Di rûniştina îro ya 25.09.2019ê de li Parlamentoya Kurdistanê, serokê fraksiyona PDKê li Parlamentoya Kurdistanê Umêd Xoşnaw daxwaz li desteya serokatiya Parlamentoya Kurdistanê kir, roja 25ê Îlonê her sal wek roja niştimanî ya Gelên Kurdistanê bê pênase kirin.
Herwaha diyar kir, herçend projeyasayek vê gavê bo pêşneyar amade nekirine jî, lê Parlamentoya Kurdistanê dikare rêkarên lez bo nasandina vê rojê wek rojekî niştimanî ya Gelên Kurdistanê bigre pêş.
Li hember vê yekê seroka Parlamentoya Kurdistanê ragehand, ku bê pêşkeş kirina projeyasa ew desthilate nîne ku biryarê li ser roja niştimaniya Gelên Kurdistanê bide.
Roja 25ê Îlonê 2017ê gelên Kurdistanê çûn ser sindoqa dengdên bo referandûma serxwebûna Kurdistanê û sedî 92.7 dengên ‘’Belê’’ bo serxwebûna Kurdistanê hate dayîn.
