Di çarçoveya beşdarîkirin di konferensa cîhanî ya ewlekariyê ya Munchen ê de, li Tarana paytexta Îranê Nêçîrvan Barzanî serokwezîrê herêma Kurdistanê digek Firank Valterştaymer wezîrê derve yê Almnaiyayê civiya.Di civînê de, serokwezîrê herêma Kurdistanê, behsa pêşhatên dawiyê yên leşkerî û siyasî li herêma Kurdistanê kir û bi taybetyî ew arîşeyên di ware siyasî de hatine pêş destnîşan kirin. Barzanî diyar kir ku, pêşhatên siyasiyên herêma Kurdistanê nexweztekîbûn û ji bona aramkirina rewşê diyalog û danûstandin di navbera aliyên siyasî de dest pê kiriye daku hemû alî bi hev re bikaribin wan arîşeyan bi awayekî çareser bikin û zêdetir giraniya xwe bidin ser pirsên serekî weke rûbirûbûna terorîstên DAÎŞê û çareserkirina kirîza êkonomî.Serokwezîr behsa têkeliyên navbera herêma Kurdistan û Almaniyayê kir û sipasiya gel û hikûmeta Almaniyayê kir ku di şerê dijî terorîstên DAÎŞ de di ware leşkeî de alîkarî û hevkariya pêşmerge kiriye û wan alîkariyan bandoreke mezin li ser bereyên cengê hebû ku, balansa hêzê di berjewendiya Pêşmerge de daket û hêvî xwest ew alîkarî berdewam bin.Li dor têkeliyên navbera Hewlêr û Bexdayê jî, serokwezîrê Kurdistanê, ji bona çareserkirina hemû pirsgirêkan tekîd li ser berdewamiya diyalog û danûstandinan di navbera her du aliyan de, bi awayekî ku di berjewendiya herêma Kurdistanê û hikûmeta Îraqê de be, kir.Wezîrê derve yê Almaniyayê sipasiya serokwezîrê herêma Kurdistanê kir û ji bo rûbirûbûna terorîstên DAÎŞ û têkşikandina êrîşên wan, destxweşî li xelk û pêşmergeyê Kurdistanê kir. Wî got ku hevkarî û alîkariyên Almaniyayê ji bo pêşmerge dê berdewam bin. Wezîrê derve yê Almaniyayê hêvî xwest ku arîşeyên herêma Kurdistanê bi diyalogê û dûr ji şidetê bên çareser kirin û yekrêziya navbera aliyên siyasî bê parastin û karê wan yê pêşîn rûbirûbûna terorê be.Piştî bidawîhatina konferensê, Mihemed Zerîf wezîrê derve yê Îranê hemû beşdarên konferensê ji bo şîvxwarinê vexwandin ku serokwezîrê Kurdistanê jî yek ji beşdaran bû.
