Sibê serok û cîgirê serok tên diyar kirin

Li ser daxwaza fraksyonên parlamentoya Kurdistanê, sibê roja sêşemiyê parlamentoya Kurdistanê li Hewlêrê dicive.

Mihemed Sadiq Sûriçî serokê demkî yê parlamnetoya Kurdistanê di daxuyaniyekê de bang li hemû endamên parlamentoya Kurdistanê dike ku, ji bo timamkirina bernameyê karê civîna yekem a roja 16.11.2013ê û hilbijartina desteya serokatiya parlamnetoyê, demjmêr 11:00 roja sêşemiyê 29.04.2014ê li parlamentoya Kurdistanê amade bin.

Li gor lihevhatina navbera aliyên siyasîyên herêma Kurdistanê sibê parlamentoya Kurdistanê dicive û desteya serokatiyê tê hilbijartin: serokê parlamentoyê ji bo Tevgera Goran, cîgirê serokê parlamento ji bo Yekêtiya Niştimaniya Kurdistanê û sekreter jî ji bo Partiya Demokrata Kurdistanê dibe.