Ajansa nûçeyan a dewleta Sûriyeyê SANA ragihand ku Elî Kayalî, ku bi navê Mihraç Ural tê nasîn, ji aliyê Ajansa Îstîxbarata Giştî ya Sûriyeyê ve hatiye girtin.
Di rapora 15ê Cotmehê de hatiye diyarkirin ku Kayalî, ku wekî gumanbarê sereke yê komkujiya Banyasê ya 2013an têdîtin, dema ku hewl dida ji sînor derbas bibe, hatiye girtin. Derbarê cihê girtina wî de ti hûrgilî nehatine dayîn.
Mihraç Ural, ku li Tirkiyeyê wekî serokê rêxistina THKP-C/Acilciler tê nasîn, di dema şerê navxweyî yê Sûriyeyê de di nav serokên hêzên milîs ên dilsozê rejîma Beşar Esed de bû.
Ew bi organîzekirina êrîşa Reyhanliyê hate tawanbarkirin.
Navê Mihraç Ural bi teqînên Reyhanliyê ve jî girêdayî ye, ku yek ji êrîşên terorîstî yên herî xwînî di dîroka Komara Tirkiyeyê de ye.
Di 11ê Gulana 2013an de, du wesayîtên bombebarkirî li navçeya Reyhanliyê ya Hatayê teqiyan, di encamê de 53 kes hatin kuştin û gelekên din jî birîndar bûn.
Di îdianameyê de, Mihraç Ural bi rola di organîzekirina êrîşê de hate tawanbarkirin. Ural tohmetên li dijî xwe red kirin.
Abdullah Ocalan ,Cemil Esad û Mihrac Ural
Mihraç Ural li salên 198o hî dema ku tevgera Kurdên bakur û çepên Tirk piştî darbeya Leşkeri ya 1980î de derbasî Sûrîye bûn, Mihrac Ural kesayetek herî nêzikî birayê Hafiz Esad ,Cemil Esad bû. Dostek herî nêz yê Abdullah Ocalan bû. Pêwendiyê herdukan jî li gel istixbarata Sûriye û malbata Esad hebûn.
