Serok Barzanî radigihîne, damezrandina Radyoya Dengê Kurdistanê pêngaveke girîng û dîrokî ya Şoreşa Îlonê bû ji bo bilindkirina morala gel û gihandina doza rewa ya kurdan bo cîhanê.
Serok Mesûd Barzanî îro 28ê Îlona 2026an, bi helkefta 63yemîn salvegera damezrandina Radyoya Dengê Kurdistanê, peyameke pîrozbahiyê arasteyî rêvebir, xebatkarên radyoyê û tevahiya xelkê Kurdistanê kir.
Peyama Serok Barzanî:
Bi navê Xwedayê Mezin û Dilovan
Rêvebir û xebatkarên Radyoya Dengê Kurdistanê,
Bi helkefta şêst û sêyemîn salvegera damezrandina Radyoya Dengê Kurdistanê, pîrozbahiyeke germ li we yên hêja, cemawer û alîgirên Partî û tevahiya xelkê Kurdistanê dikim.
Damezrandina Radyoya Dengê Kurdistanê pengaveke girîng a serkirdayetiya Şoreşa Îlonê bû ji bo gihandina dengê şoreşê, nûçeyên berxwedan û destanên Pêşmerge û bilindkirina moral, coş û xweragiriya gelê Kurdistanê. Her wiha rêyeke hemdem bû ji bo nîşandana mezlûmiyeta gelê Kurdistanê û gihandina peyama doza wî ya rewa bo raya giştî ya Iraqê, herêmê û cîhanê.
Di vê helkeftê de, spasiya wan hemû xebatkar û têkoşeran dikim ku di Şoreşa Îlon û Gulanê de heta niha di berdewamî û zindîhiştina dengê mêrxas ê Radyoya Dengê Kurdistanê de xwedî rol bûn.
Hêviya serkeftin û berdewamiyê ji we re dixwazim.
Mesûd Barzanî
28ê Îlona 2026an
