Fîdan: Ebdî peyamnêr e, ew talîmatên têne dayîn pêk tîne

Wezîrê Karên Derve yê Tirkiye Hakan Fîdan beşdarî di bernameyeke zindî de kir û li ser mijarên rojevê de nirxandinên girîng kir. Xalên sereke ji daxuyaniyên Wezîr Fîdan ev in: “Dibe ku pêdivî bi dirêjkirina agirbestê hebe” “Gelek bûyerên beriya agirbestê hene. Bila ez bi kurtasî vê bibêjim: Niha, veguhestina girtiyên DAIŞê ji Sûriyeyê bo Iraqê di rê de ye. Di rewşek wisa de, dibe ku pêdivî bi dirêjkirina agirbestê hebe. Niha daxwazek wisa heye. Çalakiyeke dîplomatîk berdewam dike, û em jî beşdar in. Em naxwazin şer çêbibe. Ez hêvî dikim ku pêvajoyeke aştiyê ya erênî destpêbike. Ez hêvî dikim ku îradeyek cidî hebe ku bi diyalogê çareser bibe.”

Fîdan axvtina xwe de got: “Bi rastî, ev ji bo min ne surprîz bû. Me ev yek pir baş dizanibû. Me bi salan dînamîkên li herêma ku ji hêla YPG-ê ve hatiye dagirkirin, ku nifûsa wê pir zêde ye, lêkolîn dikir. Me zanîna dezgehên eşaîrî, çawa û kengê dê serî hildin hebû. …” Abdî peyamnêr e, ew talîmatên têne dayîn pêk tîne. KCK ji YPG-ê re dibêje ku bikeve siyasetê, û ew dikin. Ew bi tevahî di bin fermana Qendîlê de ne. Endamên PKK-ê yên ne-Sûrî divê herêmê biterikînin. Hebûna PKK-ê li Şingalê nayê domandin. Rêxistin divê berî ku bi tunebûnê re rû bi rû bimîne xwe veguhere. HSD guh nade tu peyamên ji Enqerê. Divê ew nebin amûr di rojevên kesên din de.

Derbarê rewşa Îranê de Fidan got: “Îran bi krîzeke mezin a aborî re rû bi rû ye. Şîrovekirina berteka raya giştî ya li hember van pirsgirêkên aborî wekî bertekek li dijî rejîmê dibe ku analîzek rast nebe. Xwepêşandan rast in, lê ew ê ne wekî ku yên din hêvî dikin derkevin. Wekî xelkê herêmê, em şerekî nû naxwazin. Şeva ku gotegot belav bûn ku DYA destwerdanê li Îranê dike, danûstandinên telefonê pir zêde bûn. Wekî Îran, em hêvî dikin ku ew çareseriyek bibînin. Her wiha nîşan hene ku Îsraîl dixwaze êrîşî Îranê bike. Ev jî îhtîmalek e.”