Peyama Serok Barzani
Bi navê Xwedayê Mezin û Dilovan
Guhertinên siyasî yên li Sûriyeyê derfeteke baş bûn ji bo dîtina çareseriyeke guncaw ji bo rêzgirtina mafên rewa yên gelê Kurd li Sûriyeyê û çareserkirina hemû pirsgirêkan. Ji bo vê armancê, me bi hemû aliyan re hewlên mezin dane da ku hemû pirsgirêk û nakokiyan bi diyalog û rêbazên aştiyane çareser bikin.
Lêbelê, rewşa xeternak û şer û tundûtûjiya heyî li Helebê pir nîgeran e û jiyana sivîl û welatiyên bêguneh tehdît dike û gefa paqijkirina etnîkî li dijî Kurdan li herêmê heye.
Ez bang li rayedarên Sûriyeyê dikim ku nakokiya siyasî nekin nakokiyeke etnîkî û nehêlin welatiyên Kurd bi zext, tundûtûjî, derxistina ji cihên bav û kalên xwe û paqijkirina etnîkî re rû bi rû bimînin. Rê li ber rijandina bêtir xwînê bigirin û divê her du alî jî ji bo çareserkirina pirsgirêkan bi diyalogê bixebitin. Hebûna nakokiya siyasî nikare bibe sedema xetereya jiyana sivîlan û paqijkirina etnîkî li dijî gelê Kurd, ku sûcek li dijî mirovahiyê ye û dê encamên xeternak hebin.
Mesûd Barzani
7ê Kanûnê,
