Nêçîrvan Barzanî Serokê Herêma Kurdistanê, pêşwaziya birêz Dr. Mihemed Elhessan Nûnerê Taybetî yê Sekreterê Giştî yê Neteweyên Yekgirtî û Serokê ṣanda Neteweyên Yekgirtî ya hevkariya Iraqê (UNAMI) kir.
Li civînê da, rewşa siyasî û giştî ya Iraq û Herêma Kurdistanê û alîkarî û hemahengiya di navbera UNAMI û aliyên peywendîdarên li Iraq û Herêma Kurdistanê gotûbêj kirin û di derbarê pêşhatên dawî yên Rojhilata Navîn û bandor û encamên wê li ser navçeyê de, danûstandina bîr û ramanan kirin.
Serok Nêçîrvan Barzanî spas û rûmetên xwe ji bo rola diyar û yarmetîderane û hevkariyên Neteweyên Yekgirtî û UNAMI yên li warên cûda cûda de ji bo Iraq û Herêma Kurdistanê derbirî, herwiha tekez li ser pêşkêşkirina hemû hêsankarî û hemahengî û piştigîriyeke pêwîst heta dema dawî hatina erkên wan, dûpat kir.
Ji aliyê xwe ve birêz Elhessan pesnê Neteweyên Yekgirtî û UNAMI ya ji bo alîkariya aliyên peywendîdarên Herêma Kurdistanê kir û tekez li ser girîngiya parastina Iraqê ji kêşeyên navçeyê kir.
Herwiha her du alî çareserkirina kêşeyên Hewlêr û Bexda û hevtêgihiştina di navbera wan bi pêwîst zanî ku li berjewendiya tevahiya Iraqê daye û xizmet bi parastina aramî û ewlehî û geşkirina welat dike.
Çend pirseke dinê girîng û hevbeş, aliyeke dinê vê civînê bû.
