Bîranînên Dr. Roj Nûrî Şaweys hat çapkirin
Endamê Mekteba Siyasî ya Partiya Demokrat a Kurdistanê (PDK) Dr.Roj Nûrî Şaweys pirtûkek 654 rûpelî bi navê “Rêwîtiyek ji bo jiyana min a pêşmergetiyê” a berî mirina xwe nivîsand.
“Rêwîtiyek ji bo jiyana min a pêşmergetiyê” navê pirtûka nemir Dr. Roj Nûrî Şaweys endamê Mekteba Siyasî ya Partiya Demokrata Kurdistanê (PDK) berî mirina xwe nivîsandiye û îsal di 1000 nusxeyan de hatiye çapkirin.
Di rûpela 5 a pirtûkê de Serok Barzanî peyamek hêja ji bo van bîranînên Pêşmerge û siyasetmedar Dr. Roj Nûrî Şaweys di nivîsa xwe de nivîsiye, “Rêwîtiyek ji bo jiyana min a pêşmergetiyê” herî zêde bîranînan di xwe de dihewîne û nivîskarê bîranînên xwe li ser çendîn bûyerên girîng ên dîroka tevgera rizgarîxwaza Kurdistanê bi duristî û zelalî tomar kiriye, ku hemû hêjayî zanîna xwendevanên Kurd in. û sîyasetmedar Ezmûna giranbuha ya vî serok û siyasetmedarê welêt bistînin.
Li ser berga paşiya pirtûka xwe, Dr. Şaweys nivîsî: “Ez difikirim ku dema bûyer ji nû ve werin nivîsandin, çêtir e ku demek baş ji nivîsandina wan re derbas bibe, wê hingê bûyer baştir were famkirin û nirxandin.”
Dr.Roj Nûrî Şaweys di sala 1947’an de li bajarê Silêmaniyê di malbateke welatparêz de hatiye dinê. Koleja Endezyariyê li zanîngeha Mûsilê qedandiye û doktoraya endazyariyê li Almanyayê wergirtiye.
Piştî serhildana 1991ê Dr. Roj Nûrî Şaweys çendîn postên hestiyar di nav partî û hikûmetê de wergirtine, ji wan:
Endamê Mekteba Siyasî ya Partiya Demokrat a Kurdistanê.
Serokwezîrê Hikûmeta Herêma Kurdistanê
Serokê Parlamentoya Kurdistanê
Cîgirê Serokwezîrê Hikûmeta Federal a Iraqê
