Nêçîrvan Barzanî dikare bibe afirînerê aştiyê li Rojhilata Navîn
Nivîskarekî navdar ê Amerîkî-Brîtanî dibêje, Serokê Herêma Kurdistanê dikare bibe gotubêjkar û aştîxwazekî sereke li Rojhilata Navîn, bi taybetî di şerê navbera Îsraîl û Hemasê û aloziyên navbera Îsraîl û Hizbullahê de.
Nivîskarê navdarê Amerîkî-Brîtanî û pisporê karûbarên Rojhilata Navîn Qanta Ehmed di hevpeyvînekê de got: “Serok Nêçîrvan Barzanî dibe yek ji kesayetiyên bêalî li Rojhilata Navîn û şerê navbera Îsraîl û Hemas û Hizbullahê.” Fox News Li hemû navçeyê ku têkeliyên wî yên baş bi Îranê re, bi Iraqê re, têkiliyên baş bi Tirkiyê re û têkiliyên pir baş bi Amerîkayê re hene, serok Nêçîrvan dikare bibe gotubêjkar û aştîxwazê sereke yê şerê li herêmê.
Serokê Herêma Kurdistanê di mehên borî de çendîn caran behsa rewşa Rojhilata Navîn kiriye û tekezî li ser giringiya pêkanîna aştiyê kiriye.
Serok Barzanî di civîna 14-4-2 li Silêmaniyê de got: “Piştî êrîşa Hemasê li ser Îsraîlê di 7ê Cotmeha sala borî de û revandina bi dehan welatiyên sivîl, şer û wêraniyeke wêranker li Xezayê rû da. Ev karesateke mirovî ya mezin e.”
“Çareserî çareseriya du dewletan e. Herêma Kurdistanê piştgiriya avakirina dewleteke serbixwe ya Filistînê dike. Ev yek rêya aştî û aramiyê ye.”
Têkiliyên Amerîkayê yên xurt bi Îsraîlê re hene û piştgiriya hin çalakiyên leşkerî yên artêşa Îsraîlê yên li dijî Hemasê dike. Komara Îslamî ya Îranê bi tundî li dijî Îsraîlê ye, bi tundî piştevaniya Hizbullaha Lubnanê dike û piştgiriya Hemas a Filistînê dike.
Karbidestên Tirkiyê çendîn car hevxemiya xwe bo Hemasê nîşan dane û serokwezîrê Îsraîlê Benjamin Netanyahu ji ber operasyona leşkerî ya wî welatî li zîvala Gazayê rexne kirine. Ev parçebûn hişt ku nekare çareseriyek ji krîzê re bê dîtin û hem jî rê li ber mezinbûna wê bigire.
Wezîrê Derve yê Amerîka Anthony Blinken 7 caran ji bo ragihandina agirbestê serdana Rojhilata Navîn kiriye, lê tenê carekê bi rayedarên Qeter û Misirê re karî ji 24-11-2023 heta 30-11-3 2023 agirbest were ragihandin.
Şer krîzeke mezin afirandiye. Di şerê navbera Hemas û artêşa Îsraîlê de heta niha 37 hezar û 658 kes hatine kuştin û 86 hezar û 237 kes jî birîndar bûne.
Ji 7ê Cotmeha 2023an heta niha hezar û 139 Îsraîlî di şerê navbera Hemas û artêşa Îsraîlê de hatine kuştin û 8 hezar û 730 kesên din jî birîndar bûne.
