زیاتر له‌ دوو ملیۆن هاوڵاتی سه‌ردانی ناوچه‌ گه‌شتیارییه‌كانی هه‌رێمیان كردوه‌

 

 

 

به‌مه‌به‌ستی‌ خسته‌ڕووی‌ ئاماره‌كانی‌ هاتنی‌ گه‌شتیاران بۆ هه‌رێمی‌ كوردستان، ئه‌مڕۆ 31-1 وته‌بێژی‌ ده‌سته‌ی‌ گشتی‌ گه‌شتوگوزاری‌ كوردستان له‌ كۆنگره‌یه‌كی‌ رۆژنامه‌نوسیدا له‌ شاری‌ هه‌ولێر، رایگه‌یاند: له‌ ساڵی‌ رابردو زیاتر له‌ دوو ملیۆن گه‌شتیار روویان له‌ ناوچه‌ گه‌شتیارییه‌كانی هه‌رێمی‌ كوردستانكردوه‌، ئه‌و رێژه‌یه‌ش به‌ به‌راوه‌رد له‌گه‌ڵ ساڵی‌ 2011 سه‌دا 30 زیادی‌ كردووه‌.

له‌و كۆنگره‌ رۆنامه‌نوسیه‌دا نارد رۆستی، وته‌بێژی‌ ده‌سته‌ی‌ گه‌شتوگوزاری هه‌رێم زیانیاری‌ زیاتری‌ خسته‌ڕوو و رایگه‌یاند: له‌ساڵی 2012 دا دوو ملیۆن و 217 هه‌زار گه‌شتیار هاتونه‌ته‌ هه‌رێمی كوردستان و به‌ به‌راورد له‌گه‌ڵ ساڵی پار له‌ %30 ی زیادی كردوه‌، له‌و ژماره‌یه‌ سه‌دا 80 گه‌شتیاری‌ ناوخۆ و سه‌دا 20 ی‌ گه‌شتیاری‌ ده‌ره‌وه‌ن.

نادر رۆستی‌ وتیشی: “444 میوانخانه‌ و 242 مۆتێل و 54 گوندی گه‌شتیاری و هه‌زار و 480 رێستۆرانت و كافتریا و 41 هه‌زار و 787 قه‌ره‌وێڵه‌ له‌ هه‌رێمی كوردستان هه‌یه‌، كه‌ ئه‌ویش له‌ساڵی‌ رابردوو به‌هه‌مانشێوه‌ی‌ رێژه‌ی‌ گه‌شتیاران به‌ به‌رێژه‌ی له‌ %30 ی زیادی كردوه‌.

راشیگه‌یاند: 30 پڕۆژه‌ به‌بڕی‌ 27 ملیار دینار جێبه‌جێ ده‌كرێت و 47 پرۆژه‌ی پێشنیازكراویش بۆ ئه‌مساڵ به‌بڕی 41 ملیار دینار بڕیاری‌ له‌سه‌ر دراوه‌.

زیادبوونی‌ ڕێژه‌ی‌ هاتنی‌ گه‌شتیاران بۆ هه‌رێمی‌ كوردستان له‌كاتێكدایه‌، هه‌ولێر وه‌ك پایته‌ختی‌ گه‌شتیاری‌ ولاَتانی‌ عه‌ره‌بی بۆ ساڵی‌ 2014 ده‌ستنیشانكراوه‌. (خه‌ندان)

 

 

 

Nerîna min :