Serokwezîr dê serdana Iranê bike

0
5

Di daxuyaniyekê de bo rojnameya Xebat, organa Partiya Demokrata Kurdistanê, Samî Ergoşî sekreterê mediyayê yê serokê hikûmeta herêma Kurdistanê eşkere kir ku, Nêçîrvan Barzanî serokwezîrê Kurdistanê bi fermî ji aliyê komara Îslamiya Îranê ve hatiye vexwendin ku, serdana Îranê bike û digel mezine berpirsên wî welatî bicive “Lê hêşta nediyare ka dê kengî serokwezîêr Kurdistanê serdana Taranê bike.” 

Ergoşî herwesa got ku, serdana serokwezîrê Kurdistanê Nêçîrvan Barzanî bo komara Îslamiya Îranê, ji bona pêşxistin û berfirehkirina têkeliyên dualî yên di navbera Kurdistan û Îranê de ye û: 

– Serokwezîrê Kurdistanê di çarçoveya serdana xwe a bo Taranê, dê digel mezine rayedarên Komara Îslamiya Îranê bicive û têkeliyên duterefî, rewşa siyasiya Îraqê û hermî bi berprisên îranî re gotûbêj bike. 

– Hikûmeta herêma Kurdistanê û bi taybetî şexsê Nêçîrvan Barzanî, terefdarê hebûna têkeliyên baş û saxlem in digel welatên cîran û komara Îslamiya Îranê jî, weke dewleteke cîran, ji gelek aliyan ve giringî bo herêma Kurdistanê heye û hikûmeta Kurdistanê jî giringiyê bi hebûna têkeliyên baş digel Îranê dide. 

Nerîna min :