Serokomarê Tataristanê li Kurdistanê
Li ser vexwandina Mesûd Barzanî serokê Kurdistanê, îro roja îniyê 2ê gulana 2014ê, Rustem Mînîxanov serokomarê Tataristanê, a ser bi Rusiya Federal ve, bi serdaneke fermî gihişte herêma Kurdistanê û li firokexaneya Hewlêrê a navdewletî ji aliyê Nêçîrvan Barzanî serokwezîrê Kurdistanê ve hat pêşwazî kirin.
Di vê serdanê de, serokê komara Tataristanê digel Nêçîrvan Barzanî serokwezîrê Kurdistanê civiya û her du aliyan tekîd li ser xurtkirina têkeliyên di warê siyasî, êkonomî û bazirganiyê de kir.
Serokomarê Tataristanê kêfxweşiya xwe li hemebr serdana bo herêma Kurdistanê diyar kir û got ku, di vê serdana xwe ya yek rojî de ew dê digel mezine berprisên herêma Kurdistanê civîn û hevdîtinan pêkbîne.
Barzanî jî kêfxweşiya xwe li hember serdana serokomarê Tataristanê bo Kurdistanê diyar kir û hêvî kir ku, ev serdan bibe destpêka qonaxeke nû ji bo têkeliyên navbera herêma Kurdistan û Komara Tataristanê bi awayekî ku, her du alî di warên cuda de sud ji tecrûbe û şarezayîya hev du werbigirin.
