Serokê Kurdistanê û şandeya pê re li Waşîngtonê ne
Washington – Li ser vexwendina fermî ya serokê Dewletên Yekgirtiyên Amerîkayê (DYA), Mesûd Barzanî serokê herêma Kurdistanê û şanda li gel gihiştin Washingtona paytexta DYAyê û ji aliyê Michael Corbin cîgirê şêwirmendê wezîra derveya Amerîkayê û Semîr Sumeyde balyozê Iraqa Federal li Washington û Qubad Talebanî nûnerê hikûmeta herêma Kurdistanê li Washingtonê ve hate pêşwazî kirin.
Li gor daxûyaniya Fuad Hisên serokê dîwana serokayetiya herêma Kurdistanê hevdîtin û civînên serok Mesûd Barzanî yên li Washingtonê li rojên pêş de dest pê dikin û di gel Barack Obama serokê Amerîkayê û berpirsên mezinên din ên îdarî û kongresa amerîkî re birêve diçin.
Şandeya di gel serokê herêma Kurdistanê ji Nêçîrvan Barzanî seroksezîrê berê yê herêma Kurdistanê, Mesrur Barzanî serokê ajansa Parastina asayîşa herêma Kurdistanê, Fuad Husên serokê dîwana serokayetiya herêma Kurdistanê, Aştî Hewramî wezîrê çavkaniyên xwezayî yê hikûmeta herêma Kurdistanê, Felah Mistefa berpirsê fermangeha pêwendiyên derve yê hikûmeta herêma Kurdistanê, Hêriş Muherem serokê desteya veberhênanê û Qubad Talebanî nûnerê hikûmeta herêma Kurdistanê yê Amerîkayê pêktê.
