Roja 20.01.2022ê Nêçîrvan Barzanî Serokê Herêma Kurdistanê, pêşwaziya Ehmed Emced Elî, Balyozê Pakîstan li Iraqê kir.
Li hevdîtinê de xwesta hevbeş ya ji bo pêşxistina peywendiyên Iraq û Herêma Kurdistanê li gel Pakîstanê û bi taybetî li warên bazirganî, perwerdehî û zanîngehê da, derfeta kar û sermayeguzariya ji bo veberhênerên Pakîstanî li Iraq û Herêma Kurdistanê, rewşa revend û destê karê Pakîstanî li Iraq û Herêma Kurdistanê ku li gelek warên cûda de kar dikin, hate nirxandin.
Birêz Balyozê Pakîstanê dûpat kir ku welatê wan bi girîngiyê ve li peywendiyên xwe yên li gel Iraq û Herêma Kurdistanê dinêre û wareke baş ya hevkarî û çalakiyên bazirganî li gel Herêma Kurdistanê da heye, ji bo vê mebestê jî niyeta welatê xwe ya vekirina Konsolxaneyek li Hewlêrê nîşan da û behsa derfeta hebûna geştên raste rastên asmanî yên li navbera Pakîstan û Herêma Kurdistanê da kir.
Ji aliyê xwe ve birêz Serokê Herêma Kurdistanê, amadehî û xwesta Herêma Kurdistanê ya ji bo zêdetir pêşxistina peywendiyan dûpat kir û balkişand li ser derfeta sermayeguzarî û veberhênana Pakîstanî ya li Herêma Kurdistanê kir.
