Serokê Herêma Kurdistanê li gel Cîhnişînê Ebudabî civiya

Li roja dawî ya serdana xwe ya Brîtanyayê, birêz Nêçîrvan Barzanî Serokê Herêma Kurdistanê li Londonê ji aliyê birêz Şêx Mihemed Bin Zayid Cîhnişînê Ebudabî û Cîgirê Fermandeyê Giştî yê Hêzên Çekdarên Îmarat û Serokê Encumena Raperandina Ebudabî ve, li cihê mayina wî hate pêşwazî kirin.

Li civînê de peywendiyên Herêma Kurdistan û Iraqê li gel Îmarat, rewşa siyasî û hilbijartin û pêşbîniyên ji bo paşeroja Iraqê, serdana her du aliyan ya ji bo Londonê û civîn û guftûgoya wan ya li gel birêz Boris Jhonson Serok Wezîrê Brîtanya, pêşhatên dawî û pêşketinên navçeyê bi giştî û çend pirseke dinê girîng û hevbeşbûn hatin guftûgo kirin.

Li civînê de her du alî tekez li ser bihêzkirina dostayetî û peywendiyên li hemû waran da kir û li ser girîngiya pêşxistina bi hewlan û alîkarî û karên hevbeş yên bi navê parastina aramiyê û çareserkirina kêşe û aloziyên navçeyê da hevra bûn û li vî derbarî de danustandina bîr û ramanan kirin.

Nerîna min :