Serok pêşwaziya şandekî Tevgera Demokrata Aşurî kir

Li Selahedîn Mesûd Barzanî Serokê Kurdistanê pêşwaziya Yunadim Yusif Kena Sekreterê Tevgera Demokrata Aşurî û şandekî li gel kir ku hejmarek ji Endamên Mekteba Siyasî ya Tevgera Demokrata Aşurî pêkhatibû.Li hevdîtinê de şerê dijî terorîstên Da’îş û rewşa siyasî û emnî ya Iraqê û pêşhatên siyasiyên dawî yên li ser asta navxweyî û navçeyî guftûgo kirin.Her li vê hevdîtinê de şanda mîhvan qurbanîdana hêzên Pêşmergeyên Kurdistanê bilind nirxand û tekez li wê yekê kir ku Krîstiyan bi xwe bi hevçarenûsa Kurd û pêkhatên dinê Kurdistanê dizanin, ji ber ku tenê li Kurdistanê maf û taybetmendiyên wan pêkhatan li ber çav digre û diparêze.Li vê civînê de Serok Barzanî li gotarek da ronahî xiste li ser dîroka jiyana gelê Kurdistanê û dewleta Iraqê û wan sedeman behs kir, ku hana gelê Kurdistanê dide berev serbixweyî yê hengav bavêje, eve jî dûpatkir ku ber çav girtina maf û daxwaziyên xuşk û birayên Krîstiyanan prensîpekî cîhgirê jiyana siyasî û civakiya Kurdistane û daxwaz jî kir ku partiyên Krîstiyanên Kurdistanê li gel hevdû kom bibin û bi hevbeşî li ser daxwaz û têbîniyên xuşk û birayên Krîstiyanan bikin encamek û bixinrû.

Nerîna min :