PolîtîkRojev

Serok Barzanî û Balyozê Brîtanya li Iraqê rewşa Şingalê nirxandin

Roja çarşem 14.10.2020 li Selaheddîn Serok Mesûd Barzanî pêşwaziya Stephen Hickey Balyozê Brîtanya li Iraqê kir.

Li hevdîtinê de rewşa siyasî û emnî û aboriya Iraqê û encamên pejika Korona li ser jiyana giştî ya li Herêma Kurdistan û Iraqa Federal hate nirxandin. Her wiha ronahî xistin li ser metirsiyên terorê û ew gefên rûbirûyê proseya siyasiya Iraqê û Herêma Kurdistanê dibin.

Her li vê hevdîtinê de Balyozê Brîtanya li Iraqê destxweşiyê li rêkeftina asayîkirina rewşa Şingalê kir ku li navbera Hikûmeta Federaliya Iraqê û Hikûmeta Herêma Kurdistanê de hatiye wajo kirin û hêviya wê yekê jî xwest ku ew rêkeftin bê bi cîhkirin. Di derbarê vê babetê ve Serok Barzanî palpiştiya xwe ya ji bo Hikûmeta Mistefa Kazimî û rêkeftina Şingalê dûpat kir û eve jî xisterû ku pêwîste ew gef nemînin ku rêgirin li ber bi cîhkirina rêkeftina Şingalê û vegerandina koçberan.

Hilbijartinên paşerojê ya Iraqê mijareke dinê vê hevdîtinê bû.

Back to top button