Serok Barzanî beşdarî bîranina şoreşa Islamîya Îranê kir

Doh çarşemiyê Mesûd Barzanî serokê herêma Kurdistanê beşdarî merasima taybetî ya konsolxaneya Komara Îslamî ya Îranê li Hewlêr kir ku bi minasebeta sîh û yekemîn salvegera serkeftina şoreşa îslamî ya Îranê hatibû saz kirin.

Di vê merasimê da ku serokê parlamentoya Kurdistanê, serokê hikûmeta Kurdistanê, sekreterê mekteba siyasiya Partiya Demokrata Kurdistanê, serokê ajansa Parastina asayîşa Kurdistanê û hejmarek ji berpirsên hikûmeta Kurdistanê û aliyên siyasiyî amade bûn, endîn gotar ji bo vê bîreweriyê hatin pêşkêş kirin û her wiha naveroka gotaran de cext li pêwendiyên di navbera Komara Îslamî ya Îran û herêma Kurdistanê û pêşxistina zêdetirê van pêwendiyan hate kirin.