Serdema duyemîn a Donald Trump li Dewletên Yekbûyî yên Amerîkayê bi fermî dest pê kir
Donald Trumpê ku wek 47emîn Serokê Amerîkayê hat hilbijartin, piştî navbereke 4 salan li Kongreyê sond xwar. Donald Trump li ber Serokê Dadgeha Bilind John Roberts li Capitol sond xwar. Bi vî awayî, serdema duyemîn a Trump bi fermî li Dewletên Yekbûyî dest pê kir.
Serokê 47emîn ê Amerîkayê Trump piştî sondxwarinê daxuyaniyyek da. Peyamên ewil ên Trump wehane:
Gelek spas ji we hemûyan re. Serdema zêrîn a Amerîkayê niha dest pê dike. Em ê her roj pêşketina Amerîka bikin armanca xwe. Ewlehiya me wê were temînkirin, pergala me ya edaletê ji nû ve were hevsengkirin. Helwesta li hemberî van çekên ku bê edaletê didomînin jî dê biguhere. Tişta ku em pêşî bikin dê avakirina welatekî serbilind, dewlemend be. Amerîka dê di demek nêzîk de ji berê mezintir û bihêztir bibe.
Her kes wê rêzê li me bigire. Derfetek Amerîka heye ku berê qet nebûye, her kes wê rêzê li me bigire. Mixabin em bi qeyrana baweriyê re rû bi rû ne. Gelê me ne li cihê ku heq dike ye, em bi qeyraneke navxweyî re rû bi rû ne. Li derve jî karesat li pey hev diqewimin.
Tehamula me ji kesên ku sûc dikin re tune. Em ê her cure alîkariyê bidin welatiyên xwe, lê em ê heman tiştî ji biyaniyan re nekin. Ji îro û pê de, ev hemû dê bi lez biguhere.
Hilbijartina min a dawî ji bo me fersendek e ku em xiyanetek tirsonek paşve bixin. Ji niha û pê de paşketina Amerîka li pişt me maye. Azadiya me û çarenûsa miletê me nayê astengkirin. Em ê dîsa yekîtî û dilsoziyê biceribînin. Ez bi zehmetiyên giran re rû bi rû bûm û gelek tişt fêr bûm. Dixwestin azadiya min ji destê min bigirin, hewldan ku jiyana min dawî bînin. Ez ji hêla Xwedê ve hatim xilas kirin ku Amerîka dîsa mezin bikim.
“ÎRO ROJA AZADÎ YE”
Ji ber vê yekê jî em ê her roja hikûmeta xwe bi hêz û îrade tevbigerin. Ji ol û etnîk bê ferqê em ê îro dest bi xebatê bikin. Îro roja azadiyê ye. Ez dixwazim ku pêşbirka dawî ya serokatiyê wekî pêşbaziya serokatiyê ya herî bi rûmet û lîstikê were bibîranîn.
