Polîtîk

Şandeyeke parlamentoya Kurdistanê ber bi Libnanê ve bi rê ket

Şandeyeke parlamentoya Kurdistanê bi serokatiya serokê parlamentoyê Kemal Kerkûkî  bi serdaneke fermî gihişte Beyrutê, paytexta Libnanê.

Serokatiya parlamentoya Kurdistanê di daxuyaniyeke nivîskî de, ragihand ku duhî serokê parlamentoya Kurdistanê Kemal Kerkûkî bi serokatiya heyetekê bo serdaneke fermî çû Libnanê.

Li gorî daxuyaniyê şandeya herêma kurdistanê ji; serokê fraksyona Yekgirtiya Îslamî Omer Ebdulezîz, serokê lêjneya rewşenbîrî û têkiliyan Aso Kerîm, cîgirê serokê lêjneya yasayî Ewnî Bezaz û hinek şêwirmendên parlamentoyê pêk tê.

Di daxuyaniyê de hat diyarkirin, di serdana şandeya parlamentoyê bo Libnanê de, digel serokê parlamento û hinek berpirsên pilebilind ên Libnanê hevdîtin bê kirin û her du alî dê li ser rewşa siyasî ya Iraq û Herêma Kurdistanê û her wiha, derbarê çawaniya bihêztirkirina pêwendiyên Hewlêr û Beyrûtê gotûbêj bikin.

Back to top button