Şanda Kurdî ya li gel Şamê hevdîtina bike eşkere bû

Navên şanda Kurdî ya hevbeş ji bo danûstandinan li gel hikûmeta veguhêz a Sûrî, derbarê mafên Kurdan li Sûriyeyê hatin ragihandin, şande bi serokatiya Mihemed Ismaîl û Perwîn Yûsif e.

Hevserokatî û endamên şandeya Kurdî ya ku piştî “Konferansa Yekrêzî û Yekhelwesta Kurdî li Rojavayê Kurdistanê” ya di 26ê Nîsanê de li Qamişloyê hatibû lidarxistin, bi daxuyaniyeke rojnamevanî ya nivîskî hatin aşkerekirin.

Li gorî daxuyaniya hevserokatiya şandeyê, şandeyê civîna xwe ya damezirandinê di 4ê Hezîranê de bi beşdariya Fermandariya Giştî ya Hêzên Sûriya Demokratîk (HSD) Mazlûm Ebdî û Rohilat Efrîn, û endama Dîwana Konferansê Îlham Ehmed, li dar xist.

Naveroka Daxuyaniyê:

“Piştî şêwirên di navbera aliyên beşdarî Konferansa Yekrêzî û Yekhelwesta Kurdî de bûne, ku di 26ê Nîsana îsal de hat lidarxistin, û li gorî biryara konferansê ya pêwîstiya avakirina şandeyeke hevbeş a Kurdî ji bo diyalogê bi hikûmeta Şamê, aliyên navneteweyî û Kurdistanî re, li gorî nêrîna hevbeş a Kurdî ya der barê Sûriyê û doza Kurdî de, şandeyê civîna xwe ya damezirandinê di 4ê Hezîrana 2025an de li dar xist. Di civînê de Fermandariya Giştî ya Hêzên Sûriya Demokratîk (HSD) Mazlûm Ebdî û Rohilat Efrîn, û endama Dîwana Konferansê Îlham Ehmed amade bûn û wê şande di çend rojên bê de yekser dest bi erkên xwe bikin.”

Şandeya Kurdî:

Serokatiya Şandeyê:

Mihemed Îsmaîl: Serokê Partiya Demokrat a Kurdistanê – Sûriye (PDK-S)

Perwîn Yûsifê: Hevseroka Partiya Yekîtiya Demokrat (PYD) 

Endamên Şandeyê:

Silêman Oso: Sekreterê Partiya Yekîtî ya Kurdistan – Sûriyê

Feysel Yûsif: Koordînatorê Giştî yê Tevgera Çaksaziya Kurdî – Sûriye

Selah Derwîş: Sekreterê Partiya Pêşverû ya Demokrat a Kurdî li Sûriyê

Aldar Xelîl: Endamê Komîteya Hevserokatiyê ya Partiya Yekîtiya Demokratîk (PYD)

Reyhan Loqo: Endama Koordînasyona Kongreya Star

Ehmed Silêman: Cîgirê Sekreterê Partiya Demokrat a Pêşverû Kurdî li Sûriyeyê 

Nesredîn Ibrahîm: Sekreterê Partiya Demokrat a Kurd li Sûriyê (El-Partî)