Roja bîranîna qurbaniyên Şengalê

03/08/2024

Heyva reş li ser Êzidiyan digere: Trajediyek ku qet naqede…

Di bin sîbera qonaxeke nû û trajîk a dîrokê de, di 3ê Tebaxa 2014an de careke din heyva reş li ser gelê Kurd yê Êzidî digere. Êzdî bi atmosferek di nav xwînê, bêhêvîtî, nediyarbûn, xemgînî û êşên giran de rû bi rû dimînin, rastiyek bi tirs û xof e..

Ev ne cara yekem e ku Êzîdî rastî jenosîdê tên – ev cara 74’an e. Vê carê koma terorîst a Dewleta Îslamî ye ku li pişt van hovîtiyan e. Di vê kampanya hovane de, zêdetirî 5,000 sivîl hatin kuştin û zêdetirî 10,000 jin, û carinan jî keçên piçûk, dîl hatin girtin da ku bibin koleyên seksê ji bo endamên DAIŞê.

Ew hatine girtin û bûne kole. Jin û keç li qadan wek eşya hatin firotin, heqareteke ku mirov nikare bifikire.
Li gorî rapora Neteweyên Yekbûyî, bê şik ew kiryarên ku li dijî Êzidiyan hatine kirin jenosîd e. Sûcek e ku ji bûyerên trajîk ên Srebrenica û Ruanda jî hovtir e. Dema ku kuştina li wir di demeke kin de pêk hat, niha meseleya kuştina sîstematîk, îşkence û koletiya zayendî ya bi asteke mezin e ku ev çend sal in berdewam dike.

Pirsa ku dimîne ev e: Gelo dê careke din roj li ser Êzidiyan bibiriqe? Ev pirsek e ku divê em ji xwe bipirsin. Pêdivî ye ku cîhan tevbigere, û divê em bi hev re bixebitin da ku dawî li vê êşa tirsnak bînin û piştrast bikin ku hovîtîyên weha qet dubare nebin.

Kesên ku di vê karesatê de jiyana xwe ji dest dane bila rehma xwe li wan be…