Qur'ana 600 salî kişf kirin

Ji aliyê komeke arkeolog a di bin serokatiya Prof.Dr. Huseyîn Yurttaş de, ku li ser navê Zanîngeha Ataturk, Fakulteya Fen û Wêjeyê a Beşa Dîrok û Hunerê xebatên lêkolînê yên arkeolojîk dihatin meşandin, Qur’ana pîroz a 600 salî hatiye kişf kirin. Xebatên arkeolojîk li navçeya Erzincanê li Kemahê dihatin kirin. 

Di erd kolanê de Qur’ana 600 salî a bêdevik hatiye kişf kirin. 

Qur’ana pîroz a ku derketiye holê, 2 metro di bin erdê de, di nav boxçeyekê werdayî de hatiye dîtin. Qur’an, bi destnivîsê hatiye nivîsandin û aîda sedsalên 15. û 16. e. 

Ligel Qur’ana kişfkirî, nameyeke ku ji liyê behriyeyî ve hatiye nivîsandin jî, ji boxçeyê derketiye.