Pirtûka Sêpirsê
Ev pirtûka bi navê SÊPIRSÊ ku ji 46 rûpelan pêk hatiye, berhemek ji berhemên Folklora Kurdî ye û ji aliyê naveroka xwe ve pir dewlemend e, ji ber ku tê de sê pirs hene, merov pir disêwirînin û meriv tê de pêrgê babetên balkêş dibe. Ji ber hindê pirtûk hêjayê xwendinê ye û pêdiviya ciwanên Kurd pir pê û bi yên wisa heye.
Çîrok di sala 1995an de, ji aliyê helbestvanê Kurd û Pîrê Herêma Xerzanê rêzdar Ebdulah Celanî ve hatiye bidestxistin. Celan ew di arşîva mejiyê xwe de parastiye û 26 sal şûnde, di meha Adara 2020î de jî nivîsixye. Lektoriya wê, ji aliyê Zeynelabidin Zinar ve hatiye kirin.
Ebdulah Celanê salxur, bi wê kalîtiya xwe du pirtûkên dî jî weşandin. Yek helbest in û bi navê HELIZ, yek jî GOTINÊN PÊŞIYAN e.
Divê ciwanên me li xebata vî kalî bisêwirin û jê ders werbigirin.
Rêzdar Celanî bi malikekê, weha xwe daye naskirin:
Ez im ew Ebdulah CELAN
Dinivîsim li ser tewran
Xwest min ku xwe bikim beyan
Cimzerqî me li nêv Xerzan.
Pirtûk ji aliyê weşanxaneya ”PENCÎNAR Weşanxaneya Çanda Kurdî” ve li Swêdê hatiye weşandiye.
Hêja ye ku filîmên karton li ber naveroka SÊPIRSê werin çêkirin.
Em wek Rojeva Kurd, rêzdar Ebdulah Celanî pîroz dikin û jê re serkeftin dixwazin.
PENCÎNAR
Weşanxaneya Çanda Kurdî
(Kurdiska kulturforlag)
Bromma/Stockholm SVERIGE
Tel: + 46 70 76755
Tel: + 90 544 266 08 03
Malper: www.pencinar.se
E-mail: [email protected]
Çapxane: Pencînar
Rojeva Kurd Stockholm 29/ 06/ 2020