Peyama serokwezîr bo ciwanên Kurdistanê

Bi minasebeta roja ciwanan a cîhanî, Nêçîrvan Barzanî serokê hikûmeta herêma Kurdistanê, peyameke pîrozbahiyê pêşkeşî ciwanên Kurdistanê kir û ev li jêr teksta wê peyamê ye:

Bi minasebeta roja ciwanan a cîhanî, ji dil pîrozbahiyê li yek bi yek gêncên Kurdistanê dikim û hêvîdar im hemû rojên wan xweşî û şadî bin û di bin sîbera parastina mafên wan de, jiyana wan hertim azad û tejî afirandin û berehem be.

Yek ji ewlewiyatên karnameya hikûmeta herêma Kurdistanê, geşepêdana Kurdistanê ye. Ev pirosese jî, bêy çareserkirina pirs û giriftariyên ciwanan, peydakirina derfetên beşdarîkirina wan di vê pirosesê de û bikaranîna îmkan, hizir û karê ciwanan, nagihîje armanên xwe. Eger aramncên geşepêdanê jî, beriya her tiştî ciwan li berçavan negirtibin, hîngê nikare berdewam be û ji nifşekî bo nifşekê din û ji qonaxekê bo qonaxeke din neqil bike û bibe piroseseke timakera jiyana civakî, aborî, siyasî û kulturî. Ji ber vê yekê, em, li hikûmeta herêma Kurdistanê, weke stratejîk, ne weke bi tenê beşdarîkirina ciwanan, tekîdê li ser hevbeşî, beşdariya ciwanan di geşepêdan û hemû jiyana siyasî, aborî, civakî û kulturî de dikîn.

Drûşmê (geşepêdana Kurdistanê bi beşdariya ciwanan) ji siyaset û stratejîya hikûmeta herêma Kurdistanê çavkanî giritye, bi vê yekê em dixwazin hemû deriyan bi hevbeşiya yeksan digel ciwanan di tevaya pirosesa binyatdanana nuha û paşeroja welatê me de vekin.

Bi hizir, kar û afrandinên xwe, ciwan dikarin pirensîpên demokrasîyê, azadiyê, mafên mirovî, pêkvejiyana biaşitî, lêbihurînî, hevqebûlkirin, dûrketin ji hemû awayên şidetê zîdetir biçespînin û bibine şirîkên aktîv û erênî di dariştin û biryardana wê siyaseta ku îro û paşeroja jiyana wan diyar dike.

Ji bo van armancan, jibilî hikûmeta herêma Kurdistanê, pêwîste civaka medenî û sektora taybet jî deriyên xwe li pêşiya jîrî û îmkanên ciwanan de vekin derfetên karî û beşdariyê û şirîkatiyê bo peyda bikin.

Careke din roja ciwanan a cîhanî pîroz be û em ji ciwanan re dibêjin ku, hikûmeta herêma Kurdistanê hikûmeta we ye û bi hevbeşî kar ji bona geşepêdan û pêşkeftina Kurdistanê dike.

Nêçîrvan Barzanî
Serokê hikûmeta herêma Kurdistanê
11ê tebaxê 2012ê 

Nerîna min :