Pêşniyara nû ya Îranê ji bo DYA

İranê ji bo sekinandina şer pêşniyarek nû ji DYA kir. Îran dibêje ku, bila danûstandinên nukleerî bi awayekî demkî werin rawestandin da ku rêkeftinek bilez were çêkirin. Pêşniyarê de dibêjin bila vekirina Tengava Hurmuz û bidawîanîna şer babeta serekebe. Lê ev yek wekî qelskirina potansiyel a bandor û hêza danûstandinê ya DYA li ser Îranê tê dîtin. Tê payîn ku civînek krîtîk li ser vê mijarê li Washingtonê pêk were.

Hate îdîakirin ku Îranê pêşniyar kiriye ku mijara nukleerî bi awayekî demkî were rawestandin da ku danûstandinên bi DYA re bileztir bibin. Tê gotin ku armanca pêşniyarê ew e ku bingehek ji bo peymanek bilez ji bo bidawîkirina şer biafirîne.

Li gorî Axios, ku ji rayedarên Amerîkî û çavkaniyên dîplomatîk agahî wergirtine, rêveberiya Tehranê di pêşniyara xwe ya nû ya ji bo Washingtonê de ji nû ve vekirina Tengava Hurmuz û bidawîkirina şer wekî gava yekem daye xûyakirin. Ev gav wekî gavek ji bo kêmkirina rageşiyê li herêmê tê hesibandin.

Nûçe dibêje; Îranê pêşniyar kiriye ku pirsgirêkên navokî di qonaxek paşîn de werin çareserkirin. Ev rêbaz armanc dike ku alî pêşî bigihîjin rêkeftinek çarçoveyî ku şer bi dawî bik

Tê ragihandin ku di nav rêveberiya Îranê de nêrînên cûda hene li ser ka divê çi tawîz li ser bernameya navokî werin dayîn. Ji ber vê yekê, tê tekez kirin ku paşxistina demkî ya dosyaya navokî di heman demê de armanc dike ku hevsengiya navxweyî biparêze.

Li gorî analîzan, vekirina Tengava Hormuzê û bidawîbûna şer dikare zexta stratejîk a DYA li ser Îranê qels bike. Tê gotin ku hêza danûstandinê ya Washingtonê dibe ku kêm bibe, nemaze li ser mijarên wekî kêmkirina depoyên uranyûma dewlemendkirî û sînordarkirina çalakiyên navokî.

CIVÎNEKE KRÎTÎK LI QESRA SPÎ
Ji aliyekî din ve, tê ragihandin ku tê payîn ku Serokê DYA Donald Trump bi tîma xwe ya ewlehiya neteweyî û siyaseta derve re li Qesra Spî civînekî li ser rojeva Îranê li dar bixe.