PDKT’yê Li Amedê Seredana PAKê Kir

Li Amedê heyeta  Partîya  Demokrat a Kurdistanê Tirkiye(PDKT)  seredana  Partîya  Azadîya  Kurdistanê(PAK) kir.Heyet  ji  Cîhgirê  Serokê  Giştî  yê  PDKT   rêzdar Cemşîd  Firat, Endamê Komîteya Dîsîpîlênê  Ozan Kardeş, Serokê Şaxa  Amedê  Reşit  Akıcı û endam Sedat Karademir   pêk hatibû.

Heyeta  PDKTyê, li Navenda Giştî ya PAKê ji alîyê Serokê Giştî yê  PAKê rêzdar  Mustafa Özçelik Cihgirê Serokê Giştî  Nurullah Timur, Endamê  Bireveberîya  Navendî  Vahit  Aba û Bireveber Şaxa Amedê Hanefi Turan  ve hate pêşewazî kirin.

Cîhgirê  Serokê  Giştî  yê  PDKT   rêzdar Cemşîd  Firat, armanca  seredana wek îade-î  zîyaret û piştgirîya PAKê li dijî Mehkemeya Bilind ya TirkÎyê binav kir û got, ’’ Ev sucdarî û îxtarnameya Serdozgerî ne bes jibo PAKê ye, herweha jibo  hemû Kurd Û Kurdistanîyan e. Em bi her awayî amade ne ku bi PAKê re li dijî vê yekê, helwesteke Kurdistanî pêk bînin’’
Serokê Giştî yê PAKê rêzdar Mustafa Özçelik jî  xêrhatina heyetê kir  û got  ‘’Em jibo vê piştgirîyê spasiya PDKTyê  dikin. Ev sûcdarkirina Serdozgerî  ya  ‘’nîjadperestîyê’’,  êrîşeke li dijî hemû Kurdan, Kurdî  û Kurdistanê ye. Divê hemû Kurd û Kurdistanî bi hevdu re helwesteke hevbeş bihûnin’’

Di derbarê rûdanên Kurdistanê û Tirkîyê , yekitîya neteweyî  û  ‘’ îxtarnameya’’  Mehkemeya  Bilind de herdu alîyan nêrînên xwe bilêv kirin.
Hevdîtina  PDKTê  û PAKê  di atmosfereke dostane  û  germ   bidawî  hat. 12.03.2015

Buroya  Çapemenî  û  Regehandinê ya PAKê
           

 

Bersiv :

Nêrîna te
Nav: