PDK hişyarî da YNKê

 Sekreterê Mekteba Siyasî Fadil Mîranî, li gel hinek berpirsên bilind yê PDKê di çerçova çalakiyên bangeşeya hilbijartinan de li bajarê Şeqlewa tevlî civînekî bû. Mîranî di axavtina xwe de behsa rewşa siyasî û hinek rexneyên YNKê jî kir.Sekreterê Mekteba Siyasî Fadil Mîranî, di derbarê rexneyên berpirsên YNKê yên ku li Hukumeta Kurdistanê û PDKê dikin gelek bi tundî axivî. Mîranî hisyarî da YNKê û got: “ji niha pê ve eger YNK yek gotinê li ser me bikin, em dê sed gotina bêjin.”YNKê nedixwazt hilbijartin pêkwerin û doza paşxistina hilbijartina dikir. YNK gelek hewlda ku hilbijartin bêne paşxistin , lê ji bo helwesta PDKê hilbijartin dê dema hatî kifşkirin de çêdibin.Hinek berpirsên YNKê rexna li PDKê û ji hemûyê jî xeribtir rexna li Hukumeta Kurdistanê dikin. Di humuketê de cîgirê serokwezîr ji YNKê ye û gelek wezîrê di hukumetê de ji YNKê ne. YNKê desthilat e, lê dema tê hesabê wan wek muxalefetê rexna dikin. Ev yek gelekî balkêşe. YNK ji bi destxistina çend dengên zêde ne bi etikek siyasî propaganda ya xwe dike.Eger tu di nav hukumetê de bî û îmzeya te li bin hemû biryara hebê dive tu we rexne bikî. Lê mixabin ev tişt li Başûr çêdibin. Ji berî YNKê Goran jî heman tişt dikira.Li ser van rexneyên YNK her demî PDK bê deng maye û nexwestiye ku hemahengiyê xirab bike. Lê dixweyê vêca dem hatiye ku kêmasî bersivên bêbextiyên têne kirin bide.Ji bo vêyekê jî Mîranî di civînê de behsa van rexneyên YNKê kir û got:  “Ji berpirsên bilind ên vê partiyê ve em dibihîsin, ku derbarê me û hikûmetê de bi xirabî diaxivin. Gelek li me nexweş tê ku ji em wan tiştan ji berpirsên payebilind ên vê partiyê ve dibihîsin, lewma ji niha pê ve ew yek gotinê li ser me bikin, em jî sed qise ji bo gotinê hene.”Mîranî got: “YNK dibêje çiyê we heye? Em niha xwediyê Kurdistanê ne. Ji ber ku me Kurdistan parastiye. Hinek dibêjin bila PDK biçûk bibe, em nikarin li hember van gotinan bêdeng bimînin. Ew jî dibêjim me Kurdistan parastiya lê ew bi xwe bûn ku Kurdistan dane destê biyaniyan.”Sekreterê Polîtbûroya PDKê da xuyakirin, ku ew kesên rexneyê li wan digrin wan bi bûyera 31ê Tabaxa 1996ê tometbar dikin û got: “Baş e 16ê Cotmehê yê kengî bû? Bila ji we re bêjim, di 31ê Tebaxê de me Hewlêr ji destê YNKê derxist û niha Hewlêr di destê Kurdistanê de ye û ya me ye. Ez pirs dikim; wan Kerkûk dane kî? Belê niha di destê Heşda Şeibî de ye û hêzên Iraqê de ye. Ew bixwe jî bêpar man. Kerkûk jî wenda kirin. Lewma bila devê xwe bigrin û careke din li ser PDKê neaxivin.”Di berdewma axaftina xwe de Fazil Mîranî da xuyakirin: “Em dibihîsin yek ji wan dibêje tiştên hikûmeta Kurdistanê kirine tev yên min in. Ez jî dipirsim; dema hikûmeta Herêma Kurdistanê hate avakirin tu li kuderê bûyî? Tiştek heye, eger Mesûd Barzanî û pêşmerge nebaya niha hêzên iraqî li Hewlêr, Duhok û Silêmaniyê bûn. Eger dîplomasiya serkeftî ya Nêçîrvan Barzanî nebaya, niha tiştek bi navê hikûmeta Herêma Kurdistanê jî nedima.”Mîranî herwiha gotinên xwe tundtir kir û diyar kir: “Hinek bi mineta PDK û Nêçîrvan Barzanî gihiştine wê pile û payeyê lê niha bi coreke din diaxivin. Lewma li vir ragirin, eger gotineke wan hebe dê me sed gotin hebin.” 

Nerîna min :