PAK cezayê hefsê protesto dike

Em cezaya hefsê ya ji bo hevalê me Mehmet Ermiş ê endamê Meclîsa PAKê hatîye birîn protesto dikinEndamê Meclîsa PAKê, hevalê me  Mehmet Ermiş di roja 14yê sibata 2018an de li Îzmîrê , bi heceta parvekirinên wî yên di sosyal medyayê de , ji alîyê polîsan ve hate desteser kirin.Mehmet Ermîş 9 rojan li Emnîyeta Îzmîrê girtî ma. Paşê Mehkemeya Îzmîrê ji bo hefs kirina Mehmet Ermîş biryar da.Mehmet Ermiş piştî ku 5 meh û 5 rojan di hefsê de raza,di roja 19yê temûza 2018an de derkete ber mehkemeyê û mehkemeyê di rûniştinan ewil de 25 meh ceza li Mehmet Ermîş birî. Ji ber wan rojên ku di hefsê de razayî, Mehmet Ermîş hate tehlîye kirin.Mehmet Ermiş bi şêweyên aştîyane bîr û rayên xwe nivîsîye, belav kirîye. Ev mafekî rewa yê azadîya ramanî ye. Ev biryara mehkemeyê di eslê xwe de nîşana bêtehamulîya li himberî gelê me ye, bêtehamulîya azadîya ramanî ye.Mehmet ErmişDewleta Tirkiyeyê divê edî qebûl bike ku, ev rê li ber girtina azadîya ramanî, rê li ber girtina rê û rêbazên  aşitîyane û demokratîk heta îro  çawa ku tu pirsgirêk çareser nekiribe, ji îro pê ve jî dê tu pirsgirêkan çareser neke. Îro bi hezaran kes, ji ber fikrên xwe, ji ber parve kirinên bîr û rayên xwe, tûşî lêpirsînan dibin, mehkeme dibin, têne hefs kirin û weke rêzdar Mehmet Ermîşî têne ceza kirin.Em bangî raya giştî dikin ku, ji bo çareseriyên aşitîyane û sîyasî dest pê bibin û  ji bo pêk anîna rewşeke demokratîk divê em zêdetir  hestyar  bin û em bêjin ‘’êdî bes e’’.Em bi van bîr û hestên xwe  biryara cezakirina hevalê me Mehmet Ermîş protesto dikin û em ji hevalê xwe û ji malbata wî re dibêjin derbasbûyî be.22.07.2018Buroya Çapemenî û Ragehandinê 

Nerîna min :