Nêçîrvan Barzanî: Wefata Îbrahîm Reîsî em gelekî xembar kirin
Nêçîrvan Barzanî li ser mirina Serokkomarê Îranê û Wezîrê Karên Derve yê Îranê peyameke sersaxiyê weşand.
Serokê Herêma Kurdistanê Nêçîrvan Barzanî di peyama xwe de diyar kir ku vê xeberê ew gelekî xemgîn kirine û got:
“Xebera wefata rehmetî Îbrahîm Reîsî û rehmetî Husên Emîr Abdulahiyan û yawerên wan a di qezaya helîkopterê de em gelekî xemgîn û xembar kirin.
Em di vê dema dijwar de hevxem û hevsozên Rêberê Komara Îslamî Elî Xamineyî û gelê Îranê yê dost û cîran û malbatên wan ên birêz in.
Em ji Xwedayê mezin hêvî dikin ku wan bi mîhrebaniya xwe şad bike û aramiyê bide wan.”
Nêçîrvan Barzanî di dawiya peyama xwe de ragihand ku wefata Reîsî ji bo gelê Îranê xemeke mezin e û pê de çû:
“Wefata rehmetî Serok Reîsî xem, azar û ziyaneke mezin e ji bo Komara Îslamî û gelê Îranê yê Misilman û dostên wî lê em piştarst in ku dê gelê ciwamêr ê Îranê û Komara Îslamî vê dijwariyê derbas bike.”
