Di çarçoveya Foruma Abarî ya Cîhanî ya Davosê de Serokwezîrê Kurdistanê Nêçîrvan Barzanî û Şahê Urdinê Şah Ebduulla civiyan. Biryar e her îro Barzanî ligel Serokwezîrê Ermenîstan û Cîgirê Sekreterê Giştî yê Neteweyên Yekbûyî bicive.Şandera Tora Medyayî ya Rûdawê li Davosê Ala Şalî ragihand civîna Serokwezîrê Herêma Kurdistanê Nêçîrvan Barzanî û Şahê Urdinê Şah Ebdulla saet 1:00ê piştî nîvro (24.01.2018) dest pê kir û piştî nêzîka saetekê bidawî bû.Ala Şalî da zanîn ku programeke berfireh a Serokwezîrê Herêma Kurdistanê li Davosê heye û biryar e çendîn kesayetiyên girîng bibîne û her îro ligel Serokwezîrê Ermenîstan, Cîgirê Sekreterê Giştî yê Neteweyên Yekbûyî û çendîn kesayetiyên din ên cîhanê dicive.Şanda Herêma Kurdistanê ya bi Serokatiya Nêçîrvan Barzanî roja Sêşembê (23.01.2018) gehişte Davosê. Aldar Şalî jî da zanîn ku şanda Kurdistanê îro dê çend hevdîtinên din bike.Ala Şalî dibêje ku şeva borî şanda Kurdistanê ligel şandên welatên din beşdarî xwarina êvarê bûn ku ji aliyê Damezrênerê Foruma Aborî ya Cîhanî Klaus Schwab û hevjîna wî ve hatibû organîzekirin.”Şanda Herêma Kurdistanê ya bi Serokatiya Nêçîrvan Barzanî ji Cîgirê Serokwezîr Qubat Talabanî, Serokê Dîwana Serokatiya Herêma Kurdistanê Dr. Fûad Husên, Wezîrê Çavkaniyên Xwezayî Aştî Hewramî, Berdevkê Hikûmeta Kurdistanê Sefîn Dîzeyî û Berpirsê Fermangeha Peywendiyên Derve Felah Mistefa pêk tê.
