Nêçîrvan Barzanî û Boris Johnson civiyan

Nêçîrvan Barzanî Serokê Herêma Kurdistanê li Londonê bi germî ji aliyê birêz Boris Johnson Serok Wezîrê Brîtanya ve li Nivîsîngeha xwe ya li 10 Downing Street hate pêşwazî kirin.

Li civîneke dostane da birêz Serok Wezîrê Brîtanya xweşhaliya xwe bi pêşwaziya birêz Serokê Herêma Kurdistanê derbirî û spasî serdana xwe ya Londonê kir, her wiha dûpat kir ku Brîtanya bi girîngiyê ve li peywendiyên xwe yên li gel Herêma Kurdistan û Iraqê dinêre û ew peywendiyên sîh sal berê bi damezrandina navçeya nefirîna li navbera Herêma Kurdistan û Brîtanya da dirust bûn, dimînin û dakokiyê li berdewamiya pêgiriya Brîtanya bi piştgîrî û bihêzkirina peywendiyan kir.

Serok Wezîr Boris Johnson tekez li wê yekê kir ku peywendî dîrokî ne û divê bêne bihêztir kirin bi taybetî li warê aboriyê da, ji bo eve jî derfeteke baş heye û xwazyarin danustandin û serdana şandên her du aliyan zêdetir bikîn. Her wiha xwesta xwe ya ji bo serdanîkirina Hewlêrê nîşan da û got: Bîranînên minên xweş yê wê serdana min heye. Rêzdar spasî Serok Nêçîrvan Barzanî kir ji bo wê rola li çareserkirina kêşeyan li Iraq û bi navê aramiyê da dibîne.

Ji aliyê xwe ve Serok Nêçîrvan Barzanî serdana Londonê û civîna li gel Serok Wezîr Boris Jhonson bi dilniyaker û girîng ya ji bo pêşxistina peywendiyan da zanîn bi taybetî piştî wan pêşhatên li navçeyê da hatine holê, her wiha spasî Serok Wezîr û Hikûmeta Brîtanya û Hevpeymanan kir ji bo piştgîriya siyasî û serbazî û miroviya li Iraq û Herêma Kurdistanê û xwesta pêşxistina bi hemû warên alîkariya li gel Brîtanya dûpat kir, bi taybetî jî li warê aborî û veberhênanê da ku derfeteke baş heye.

Di derbarê peywendiyên Hewlêr – Bexda û kêşeyên helawestiyên navbera wan jî Serok Nêçîrvan Barzanî balkişand li ser berdewamiya guftûgo û hebûna keşûhewayeke erênî ya li gel Hikûmeta Federaliya Iraqê kir û tekez li wê yekê kir ku Herêma Kurdistanê xwazyar û amadeye hemû kêşeyan li ser bingeha destûrê çareser bike.

Rewşa pejika Kovid-19, şerê teror û metirsiyên serhildana Da’îş ku hê jî gefeke rastîne, peywendiyên Iraq û Herêma Kurdistanê li gel welatên hevsû û cîran û navçeyê, rewşa koçber û penaberan li Herêma Kurdistanê, pêşhatên Efxanîstan û encamên wê, çend mijareke dinê civînê bûn.

Nerîna min :