Nêçîrvan Barzanî beşdarî merasima cenazeyê dayîka Erdogan bû

Doh li bajarê Stenbolê Cîgirê Serokê Partiya Demokrata Kurdistanê (PDK) Nêçîrvan Barzanî, beşdarî merasîma veşartina cenazeyê dayîka Serokwezîrê Tirkiyê Recep Tayyîp Erdogan bû.

Dayîka Serokwezîrê Tirkiyê Recep Tayyîp Erdogan, Tenzîle Erdogan piştî hefteyekê li nexweşxaneyeke Stenbolê tedawî dît, roja înê di temenê 88 salî de wefat kir û doh jî li bajarê Stenbolê cenazeyê wê bixak hat spardin.

Serokê Herêma Kurdistanê Mesûd Barzanî bi telefonê sersaxî li Erdogan kir û Serokkomarê İraqê Celal Talabanî jî bi mesajeke nivîskî sersaxî li Serokwezîrê Tirkiyê kiribû.

Cîgirê Serokê Partiya Demokrata Kurdistanê Nêçîrvan Barzanî jî doh li bajarê Stenbolê beşdarî merasima veşartina cenazeyê Tenzile xanim bû.(Rudaw)