Mîranî: Nêçîrvan Barzanî dê wezîran hilbijêre
Fazil Mîranî sekreterê polîtbûroya Partiya Demokrata Kurdistanê (PDK) di daxiyaniyekê de ji bo kovara Sivîl got ku di roja çarşemiya bê de dê guhertin di hikûmetê û parlamentoya Kurdistanê de dest pê bikin û got:
– Roja çarşemiyê dê parlamentoya Kurdistanê bicive û serokatiya nû a parlamentoyê hilbijêre. Piştî civînê bi sê rojan dê serokatiya nû a parlamentoyê nameyekê ji serokê herêma Kurdistanê re bişîne daku ew jî ji aliyê xwe ve Nêçîrvan Barzanî weke serokê hikûmetê û Îmad Ehmed weke cîgirê serokê hikûmetê bo pêkanîna kabîneya nû a hikûmeta herêma Kurdistanê bi fermî wezîfedar bike. Li gor qanûnaê divê serokê hikûmetê di nava 30 rojan de kabîneya nû pêkbîne.
Mîranî got ku dê wezaretên PDK û YNK weke xwe bimînin, lê eger aliyên opozisyon beşdariyê di kabîneya nû de bikin dê guhertin di wezaretan de çê bin:
– PDK dê hindek ji wîrên xwe biguhere, lê ew yek zêdetir li ser serokawzîr dimîne. Me weke polîtbûroya PDKê biryar daye ku Nêçîrvan Barzanî bi xwe wezîran hilbijêre û polîtbûro tedexulê di destnîşankirina wezîran de neke.
Sekreterê polîtbûroya PDKê got ku dibe Aştî Hewramî li posta xwe weke wezîrê çavkaniyên derametên xwezayî û Kerîm Şingarî weke wezîrê navxwe li cîyê xwe bimînin.
Mîranî got ku ew dixwazin kabîneya nû kabîneyeke bingeh fireh be û hemû aliyên siyasiyên Kurdistanê beşdariyê tê de bikin:
– Heta ji me bê em dê hewil bidin ku kabîneya nû kabîneyeke bingeh fireh be. Kabîneyek be ku wezîr ji bo îş bên dîtin nek u îş ji bo wezîra bê dîtin. Em dixwazin karnameya hikûmeta nû bernameyê lîsteya Kurdistanî, bernameyê çakzasiyê yê parlamentoya Kurdistanê, bernameyê çaksaziyê yê PDK û YNK, bernameya çaksaziyê yê opozisyonê be û ev hemû bername weke pirojeyekî niştimanî hikûmet li ser kar bike.
Mîranî got:
Du helwestên aliyên opozisyonê li hember kabîneya nû hene; yekem mezherîya û duyem jî cewheriye. Le mezher dibêjin em her sê alî bi hev re ne û beşdariyê di hikûmetê de nakin. Lê îro min daxuyaniyekê hevalekî Tevgera Goranê xwand ku dibêje; Em dê deng ji bo kabîneya heftem bidin. Evy ek jî karekî erênî ye. Ji ber ku beşdarî nekin tişteke û dij bin tiştekî din e. Em dixwazin beşdar bin, lê eger beşdar nebib jî em dixwazin dost bin û piştgiriya karên baş bikin û kêmasiya jî berçav bikin.
