Bafel Talebanî îro piştî nîvro gihîşte Pîrmamê û bi Serokê Hikûmeta Herêma Kurdistanê Mesrûr Barzanî re hevdîtin pêk anî.
Berdevkê Yekîtiya Niştimaniya Kurdistanê (YNK) Saadî Ehmed Pîra ji Rûdawê re ragihand, civîn ji bo temamkirina wan arîşeyan e ku di civînên berê de nehatine çareserkirin.
YNK û PDK’ê ji bo pêkanîna kabîneya dehem çend caran hevdîtin kirine.
Duh jî Hikûmeta Herêma Kurdistanê ragihand; Serokwezîrê Herêma Kurdistanê Mesrûr Barzanî bi Serokê Yekîtiya Niştimaniya Kurdistanê (YNK) Bafel Talebanî re civiya û derbarê pêkanîna kabîneya nû û rewşa siyasî ya Herêma Kurdistanê de gotûbêj kirin. Herwiha behsa amadekariyên guhertin û pêşhatan û danûstandinên Herêma Kurdistanê ligel wan tê kirin.
Di hilbijartinên 20-10-2024ê yên Parlamentoya Kurdistanê de, Partiya Demokrata Kurdistanê (PDK) bi 39 kursiyan, herî zêde kursî bi dest xist, Yekîtiya Niştimanî ya Kurdistanê (YNK) bi 23 kursiyan û Newewa Nû bi 15 kursiyan, di rêza duyemîn de bûn.
