Li ser tixûbê Sûriyê dîwar tê çêkirin

Li rojhilata Navçeya Nisêbîna Mêrdînê li ser tixûba Sûriyê dîwarek tê çêkirin. Niha xebatên kolandina xendekên di navbera Nisêbîn û Qamişloyê de dewam dikin. Ji aliyekî ve jî çêkirina dîwêr dest pê kir. Dîwar dê 2 metre fireh 3 metre jî bilind be.Li rojhilata Nisêbînê ber bi navçeya Cizîrê ya Şirnexê ve heta qereqola ser tixûbê kêmzêde 3 kîlometreyan xendek hate kolandin. Niha ber bi heman alî ve dîwarek jî tê çêkirin.Bloqên betonan yên ji bo dîwêr bi qamyonên mezin ber bi sînor ve tên hinartin. Pêşî li derdora qereqolan dîwar tê çêkirin. Li gorî agahiyên ku bi dest ketin dîwar ji Nisêbînê heta Cizîrê dê dewam bike. Di dema çêkirina dîwêr de hêzên ewlekariyê tedbîrên berfireh girtin.Zaman kurdî

Bersiv :

Nêrîna te
Nav: