Li Hindistanê di dema merasîma olî de 116 kes mirin
Li Hindistanê di merasima olî de 116 kes ku piraniya wan jin û zarok in jiyana xwe ji dest dan. Rayedaran bûyer wekî “yek ji trajediyên herî xirab ên salên dawî” binav kirin.
Li eyaleta Uttar Pradesh a bakurê Hindistanê roja Sêşemê di dema nimêja girseyî ya ku ji hêla Hindûyan ve hatî organîze kirin de qelebalixek pêk hat.
Karbidestên Hindistanê bi piştrastkirina nûçeyê diyar kirin ku girseya gel li ser banga rêberê olî yê herêmî li gundekî navçeya Hathras, ku bi qasî 200 kîlometreyan li başûrê rojhilatê paytext Delhiya Nû ye, li herêmek vekirî ji bo merasîmek olî kom bû.
Rayedaran ragihandin ku herî kêm 116 kes mirin, ku piraniya wan jin û zarok in.
Rêveberê navçeya Hathras Ashish Kumar ji rojnamevanan re got, “Bûyer ji ber qerebalixa zêde pêk hat dema ku mirovan hewl dida ku ji cihê xwe derkevin.”
Serokwezîr Narendra Modî di daxuyaniya xwe ya li X-ê da sersaxî ji xizmên kesên ku di qelebalixê de jiyana xwe ji dest dan re xwest.
Modî her wiha da zanîn ku hikûmeta federal arikariya herêmê dike û dê 200 hezar rûpî (2400 dolar) tazmînatê bide malbatên miriyan û 50 hezar rûpî jî bide birîndaran.
