Li bajarekî Iraqê 20 endamên malbatekê hatin kuştin

Li parêzgeha Babil ya Iraqê di şerê navbera hêzên ewlehiyê û tohmetbarekî terorê de herî kêm 20 kes hatin kuştin.

Duhî li gundê Reşadî yê bajarokê Ceble li parêzgeha Babil ya Iraqê, di navbera hêzên ewlehiyê û tohmetbarekî terorê de şer û pevçûn derket.

Li gorî agahiyan, dema hêzên ewlehiyê dixwastin wî tohmetbarî bigirin, tohmetbar bi çek rûbirûyê wan dibe û hêzên ewlehiyê jî bi heman rengî bersiv didin.

Piştî ku çend kes ji hêzên ewlehiyê birîndar dibin, hêzeka taybet hewla girtina wî tohmetbarî dide lê ew jî nikarin û tohmetbar endamên malbata xwe gulebaran dike û herî kêm 20 kesan ji wan dikuje! Tê gotin gelek ji wan zarok û jin in. 

Di dawiyê de jî nekarîne wî tohmetbarî bigirin.

Wezîrê navxwe yê Iraqê ferman daye lêkolînek berfireh li ser wê rûdanê bê kirin.

Bersiv :

Nêrîna te
Nav: