Lekolîn.org li ser rûreşiyên xwe berdewam e

26/04/2014

Wek tê zanîn malpera girêdayê PKKê ya bi navê Lekolin.org, taybetî li dijê serok, serokwezîrê Kurdistanê û PDKê gelek nivîsên ne rast û derew belav dike. Gelek caran jî dijê hinek dezgehên Kurdistanê jî nûçeyên ne rast belav dike û dezinformasyonekî gelek bi zanebûn dike. Gelek caran medya girêdayê PKKê Tora Medyayî ya Rûdawê jî bi xirabiyekî mezin itham dike. Îdia dike ku Rûdaw ya MIT a Tirkiyeye. Li ser vê yekê Rûdawê daxuyaniyek belav kir ev jî daxuyaniya Rûdawê ye.

Malpera bi navê “www.lekolin.org” ku bi zimanê tirkî weşanê dike, wek her car, dîsa nûçeyek derew li ser Tora Medyayî ya Rûdawê belav kiriye.

Malpera han di nûçeya vê carê de, buxtan avêtiye ser her du hevkarên Tora Medyayî ya Rûdawê, Ako Mihemed û Rêbwar Kerîm Welî ku qaşo “girêdayî MÎTa Tirkiyê” ne, her wiha sê meh in karmendên Rûdawê mûçe wernegirtine.

Em ji wê malperê re dibêjin; hûn nikarin tenê karmendekî Rûdawê nîşan bidin ku sê meh in ji ber tinebûna pere mûçe wernegirtiye. Em li ser buxtan û derewên din jî heman tiştî dibêjin.

Tora Medyayî ya Rûdawê
25/04/2014

26/04/2014