Kurdên Îsraîl Televizyonekî bi kurdî vedikin
Çalakvanê di warê civaka sivîl de,Êlan Îsraîl ji AKnewsê re got, “Duhî wek kurdên Îsraîlê me bi destpêşxeriya Komela Kurdên Cuhiyên Îsraîlê, xwepêşandaneke nerazîbûnê li ber Balyozxaneya Tirkiyeyê kir ku tê de digel hildana alayên Kurdistan û Îsraîlê, çendîn durişmên wek “turk stop killing kurd”, “bijî Kurdistan, dewleta Kurdî û dostayetiya kurd û Îsraîlê” hatin bilindkirin.”
Berdewambûna axavtina xwe de Îsraîl got:“Ev duhemîn xwepêşandana kurdên Îsraîlê ya bo piştgiriya kurdan û şermezarkirina êrîşên Tirkiye û Îranê yên bo ser deverên Herêma Kurdistanê bû. Xwepêşandana yekê li 8-ê Tîrmeha borî li ber balyozxaneya Tirkiyeyê li Telebîbê hate sazkirin.”
Êlan Îsraîl got, “Em niha bi awayekî rijd hewla danîna lobîyeke kurdan li Îsraîlê didin û me gavên baş jî bo vê hizrê avêtine. Kurdên Îsraîlê berdewam in di piştgiriya xwe ya bo Kurdistanê û gelê kurd. Her wiha yek ji çalakiyên kurdên Îsraîlê ew e ku di van rojan de dê televîzyoneke bi kurdî û îbrî vekin.”
Navborî da zanîn ku niha li Îsraîlê 350 hezar kurd dijîn û hatina kurdan bo Îsraîlê di sala 1942an de dest pê kiriye.
