Katz: Me Elî Larîcanî kuşt

Wezîrê Parastinê yê Îsraîlê Israel Katz ragihand ku wan Sekreterê Konseya Bilind a Ewlehiya Niştimanî ya Îranê Elî Larîcanî kuştiye.

Lê Îranê heta niha ev nûçe piştrast nekiriye. Medyaya Îsraîlê ragihandibû ku Elî Larîcanî şeva borî bûye armanc.

Medya Îsraîlê li ser zarê berpirsekî welatê xwe nûçeyek belav kir.

Di nûçeyê de hat diyarkirin ku şeva borî di êrişeke asmanî de Elî Larîcanî hatiye armanckirin.

Medyaya Îranê red kir

Piştî belavbûna vê nûçeyê, medyaya Îranê daxuyaniyek da.

Medyaya Îranê ragihand ku ew dê piştî çend xulekan peyama Elî Larîcanî belav bikin.

Israel Katz piştrast kir

Wezîrê Parastinê yê Îsraîlê Israel Katz vîdeoyek belav kir û bi awayê fermî da zanîn ku wan Elî Larîcanî û Fermandarê Hêzên Besîcê yê Îranê Xulamreza Silêmanî kuştine.

Lê ji aliyê Îranê ve daxuyaniyeke fermî nehatiye.